Wa ùb’ich noeëdig
- 1 dikke pour, et wit allieën
- 150 gràmme poeëte
- 4 pèèpdzjùinkes
- 450 gràmme kàbbeldzjaa (of en meingelieng vàn àànder sorte steivige vis)
- 125 gràmme grèèze gèrnoate (ùbbe et mieëste smoak, èn zèn vàn èè on de zieë)
- 50 gràmme gemoale kees (bevuirbieëlt Èmmentaler)
- 150 ml druuge witte wèèn ( … èn némpt góeje !!)
- 250 ml zoon ver te kouke
- Bouter
- P&Z (peeper & zààt)
Wèè moak ich et
- Verwèrremt oere-n ouve vuir op 180 groode.
- Snèèt de pour, de poeëte èn pèèpdzjaan in smoal reingskes
- Zit ene-n diepe pòt be ewa bouter op ‘t vúr.
- Doet de poeëte drin èn rúrt intigge menute.
- Doet naa de pour èn de pèèpdzjaan tebèè
- Goet rúre zoe ‘n 4 à 5 menute
- P & Z druiver (peeper & zààt)
- Naa moug dzje de wèèn èn de zoon d’rin giete
- Goet rúre èn op e klei vurke loote-n inprùttele.
- Dzje kóent och de saas indikke be ewa maïzeina, tapijoukapóejer of rèèspóejer
- Ieëst ens prúve èn as da móet, nog ewa p&z debèè doen
- Snèèt naa de kàbbeldzjaa in dikke blokke èn lèg se in en ingevitte ouveschòòl
- Giet de saas d’ruiver èn
- Verdeilt de gèrnoate uiver de schoutel èn strout doo naa de gemoale kees uiver.
- Zit de visschoutel naa zoe’n 15 menuten in den-n ouve.
Gerieët !
