Wa ùb-ich noeëdig
– 300 gràmme Lèmmevlieës (vàn de broj, de nak, de schour), per 100 gràmme legumme
– Legumme: vàn àlles e bietsje èn vàn àl wa dzje gèèn it, e bietsje mieër dàn d’àànder !!
- – sprùitjes
- – knòlsèlder
- – ròòpe
- – poeëte
- – petàtte
- – bouterbóene
– dzjaan (2 of 3 no oer góesting)
– loeëk (e stùk of 4 tieënkes, ver wee et gèèn ei)
– 2 lorierbleer en 2 tèkskes tèèm bedieënbeinge ver de boekei garnie
– bouter
– góeje róeje wèèn
– lèmmekesbóeljong (of braane fòõ) (aat ene geloaze pòt ofzoe)
Ver et àttelek te moake
– rouzemarèèn
– salie
– dzjeroffelnoagel 3-4 of no oer góesting
– nuitemuskòòt
– sóeker
– p & z (peeper & zààt)
Wèè moak ich et
– Poeëte + petàtte in blùkskes snèèn
– góeje klòt bouter in de pàn èn loote smùlte
– den dzjaan, rouzemarèèn, de salie + dzjeroffelneegel in de bouter
– èffekes loote kluire
– vlieës tebèè èn licht braan bakke
– dèè 6 tieëne loeëk mouge och in de pàn (BE de schèl nog terònt)
– èn de boekè garnie
– góej guit róeje wèèn
– de lèmmebóeljong tebèè giete (of 3 of 4 leipers braane fòõ)
– zútjes loote prùttele tòt as et vlieës màls is
– Ver wee en stoeëmkasròl ei, moug da zoe 20 menute stoeëme
– dàn Maïzeina of blóem druiver tòt as de saas goet geboenge-n is
– mouge krokètsjes bèè of wa dzje gèèn it
Gerieët !