–Naa ùb’ich toch genóeg tevàn….Gedón be dee Corounaprùl. Allemòòl en góej gezòntèt. Wànt da is et vernoamste. Ewa sènte mouge doo naturlek wol àltèèt bèè.
–Kloagers ùbbe ginne noeët…Genóeg gekloagt uiver et geklúngel èn gefóets be den STVV. Da òòs kanaaries in de ieëste klàs mouge blèève.
–Trug op de zwier…Da ve ràp trug bokke kóene gón pakke be Dennis in Sentrùin, Faaalip in Zèppere, Zjòãn-Pjèèr in Brustem of etsèllefde moe…
–De liefde vàn de màn gie dour zénne moag….Da v’èèndelek wir op restouròã kóene èn Sentrùin z’n ieëste Michelèêtèèr moug pakke. Wee, moe of wèè spélt gieën ròl
–Et pjààt achter de kèèr spànne da lòst niks op. Da dee verkieërsknoeëp Noamsestieëwèg-Spójnsebrug èèndelek ene kieër wut opgelòst
–Gedón b’oòs oeëre vàn òòs lèèf te zoage. Loot òòs mar stoppe be te zoage èn eikzeikers te zèn. En attènseke, e schourklùpke of komplemèntsje zèn emes zoevuil oangenoamer èn mieër g’àppresjeirt
–Da de mitskes op de Lùiksestieëwèg wier ràp on ’t wèrrek kóene. Wànt de Sjòssei Damoer zònder vòs vlieës is gelèk ene kafei zònder bier.
–Tis àllemòòl gieën oor snèèn op ene klètskop, ma et wut toch wol tèèt da v’àllemòòl wier òòs oor ens kóene loote doen. Wànt et wut èè stillekesoan de Planeit vàn d’Oape
-Verstó-dzje mich? Nè dus! Wol, ich wèns en oup da iederieën dee in Sentrùin wóent of kum wóene et Sintrùins lieërt. Sintrùins verplicht ver iederieën. As ve makààndere mar verstón. Wànt SENTRÙINS KLÀPPE IS SJIK !!!
–Wèrrek on de wienkel. Da àl dèè wienkels dèè doo naa leigstón èèndelek wir ene boas veinge. Wànt wèè dzje et drèèt of kieërt…Sintrùin is en fantastisse stàt be fantatisse minse.
SINTRÙIN, ICH ZIEN ÓECH GÈÈN !!!!!!
Ene gelùkkige niefjoor be àl wa wènselek is !!
