Vieze wòòde gebrùike gelèk kloeëtzak, lul, wàbbe, dràfzak, tèttekop, verrèkke, kletsbòl, kanèèn, zoagbòs, zwàtzak…. da doe dzje nè ma da moug nog, zèllefs vàn Feisbóek. Ma verwa vee Zwàtte Piet nemee aat Spainje mouge loote koume èn vee gieën neegerinnetètte nemee mouge-n eete, da is ver mich e groeët vroogtieëkel. ’t Wut nog èrreger. Naa mouge ve och nemee klàppe vàn siguinersaas (bóeimersaas) of siguinersjnitsel (bóeimersjnitsel) . Zèn ve naa àllemòòl zòt gewòòde, vroog ich mich àf. En moe gie da stoppe? Mouge ve dàn nog immànt zwàt moake? Mouge ve nog immànt ene zwàtzak nuuëme? Kóene ve nog in ‘t zwàt wèrreke? En wa be e zwàt schòòp? Of inne dee liegt da ter zwàt ziet of op zwàt zoot zit….
Ik trek me er alleszins niks van aan. Ik blijf spreken van zwart zaad, een zwart schaap, ene zwartzak, een konijn en ene zagebos. Maar nu ze plots ook onze culinaire tradities in vraag beginnen stellen, maak ik als alleseter en als welriekende snaat toch ernstig zorgen. Want van mijn eten, daar blijft iedereen van af. Wabbese.
Vàn vandoag op mùrrege moug och siguinersaas nemee. Pàs op. Dzje moug se nog eete, ma dzje moug se zoe nemee nuuëme. Verloeëpig toch. Wànt ich kàn mich vuirstèlle da mùrrege de-n inne of de-n ààndere zòt opstie dee och et eete gie verbieën. Gevoarlek, wànt wa gón ve doen be dé Spagèttie Bolonjèès, òòs Russis-ei, òòze Sloat Niswaas, òòs Lùikse saas, Lùikse Wàffels, òòs Peekieng eent, òòze-n Òllàntse kees, òòze Stèk Strogànof, de Ierse Rup Oeëg, et Eingels Òntbèèt, of òòze bufstùk be witte of zwàtte peepersaas? Móete dèè och àllemòòl vàn de koat? En mouge ve nog Worsjèstersjaaier in òòs noedels of Maggie Arouma in òòs sop doen? Wànt lache be òòs Maggie doen ve och tevuil. Minse, moe zèn ve bèè beizig. Leeve vee toch in enne zòtte weerelt. Enne weerelt moe ve niks nemee be noam mouge nuuëme. Wànt doe dzje da, dàn zèè dzje enne rassist.
Weet je wat ik ervan denk. Net zoals in vele discussies beperken we ons ook in de discussie over racisme in futiliteiten, woordjes, gezegden. Op die manier wordt ons geweten een beetje gesust. Gevolg is wel dat het racisme en de daarmee gepaard gaande haat en nijd alleen maar toenemen. Meer nog. Het verovert onze straten. Dat is zelfs geen mening, maar een vaststelling.
Da se makààndere in et oeëste kapòt moake, da ilt òòs nè beizig. Da se keinger ontfúre in Afrika, da is et minste vàn òòs zùrrege. Oòs pòlletikkers in Brussel steeke nog liever tèèt in dèè diskússe uiver Zwàtte Piet dàn in et vùrreme vàn en regeirieng. Vrugger ààn ve monumènte as Tindemans, Dehaene en Spaak. Naa ùbbe ve Lachaert, Muylle en De Backer. Un noame verroon et. Òòs pòlletikers lache be àlles, zitte-n uiveràl ‘n groeëte maal op, ma bakke ter niks vàn. Se kóene zèllefs gieën regeirieng vùrreme. Zwàtte Piet, siguinersaas…. doo zèn se bèè beizig. Trump aatlache, doo zèn se och goed in. Ma da se zèllef rasist zèn omda se makààndere nè verdraoge dour un kluir en Woale teige Vloaminge opzitte, da ùbbe se nè dour. Mèèn maa zei vrugger: Lèt in oere-n eigen taluur. Awol, se zou da och teige de pòlletikkers vàn vandoag zègge. Dò ! Naa wei-dzj’et !!
